PANEJA
Etti RS
Di antara rajegna gedong saligrong
kuring micangcam saung jangkung
pikeun nyawang ka sakuriling tangtung
di antara gurilapna sarwa permata
kuring hayang ali suasa
keur sosoca mun diri keuna ku bahla
Gusti,
tan wilangan renebna pangeusi dunya
ngan sahiji nu ku kuring dipiseja:
kasakten ngayonan napsu durjana!
Bandung,1995
Selasa, 20 Juli 2010
PANEJA | Sajak Sunda Etti RS
Tidak ada komentar:
Posting Komentar